Siglir tar il cuntegn

Header

cuntegn

Exteriur Obama nizzegia ses dretg da far grazia cun praschuniers

Il president american Barack Obama ha ordinà en in sulet di uschè bleras grazias e scursanidas dal temp da praschun sco nagin auter president american da fin uss.

Barack Obama ha relaschà a 78 praschuniers lur chasti e scursanì il temp da praschun da 153 ulteriurs delinquents, quai communitgescha la regenza americana. Profità han cunzunt praschuniers sentenziads per part per vita duranta pervi da delicts da drogas. Quels n'avevan dentant betg commess delicts da violenza.

Ils davos mais da ses uffizi ha Obama accelerà da scursanir ils temps da praschun. Tenor ses avis èn sentenzias da praschun per plirs decennis per diesch-millis da praschuniers memia bler.

En ses entir temp d'uffizi ha Barack Obama fatg grazia cun 148 sentenziads e scursanì il temp da praschun a prest 1’200 delinquents.

RR novitads 12:00

Artitgels legids il pli savens