Siglir tar il cuntegn

Exteriur Obama: «L’agir en Libia è stà mes pli grond sbagl»

Nov mais avant che ses temp d’uffizi scadia tira il president american Barack Obama ina bilantscha. Sco pli grond sbagl numna Obama ses agir suenter la cupitgada dal dictatur libanais Muammar al-Gaddafi il 2011.

Barack Obama durant in pled.
Legenda: L’intervenziun sco tala en Libia defenda Barack Obama: «A mai ha quai parì la dretga decisiun.» Keystone

Sin ina dumonda correspundenta da l’emettur da televisiun Fox news Sunday ha Obama concedì, ch’el vesia sco pli grond sbagl, ch’el n’haja betg preparà il pajais nord-african per ina era suenter Gaddafi. L’intervenziun sco tala defenda el: «A mai ha quai parì la dretga decisiun.»

Obama aveva gia ditg envers il magazin «The Atlantic» ch’i regia entant caos en Libia. In engaschament militar internaziunal aveva contribuì marcantamain a la victoria dals adversaris da Gaddafi il 2011.

Caos politic dapi il 2011

Dapi lura regia en il pajai però anc adina caos politic. Il vacum da pussanza nizzegian gruppas extremas adina pli fitg per sa derasar. Il dumber dals cumbattants dal Stadi islamic è sa dublegià aifer bun in onn, quai tenor indicaziuns dals Stadis Unids.