Siglir tar il cuntegn

Exteriur Obama fa veto «defensiv» per sia refurma da sanadad

Entras ses veto ha il president american Barack Obama impedì l'attatga dals republicans sin sia refurma da sanadad.

barack obama
Legenda: Dapi ch'ils Republicans han la maioritad en omaduas chombras èn ils projects dal president democratic Barack Obama periclitads. Keystone

Barack Obama ha exprimì ses veto cunter ina lescha che leva sutminar la refurma. La lescha avessia ruinà il progress considerabel da meglierar il provediment da la sanadad, di Obama.

Omaduas chombras parlamentaras èn dominadas dals Republicans che vesan en la refurma ina restricziun dals dretgs da burgais. Tenor la regenza americana han già 17,6 milliuns persunas survegnì entras la refurma in' assicuranza da malsauns.

RR novitads 08:00