Obama defenda sia refurma da la lescha d'armas

Tar ina discussiun publica ha il president dals Stadis Unids, Barack Obama, fatg reclama per la refurma da la lescha d'armas ch'el planischescha.

obama e cooper sin tribuna avant public

Legenda da maletgs: Il president american Barack Obama en la discussiun publica sper il moderatur da la televisiun CNN Anderson Cooper. Keystone

Sias mesiras e propostas che cuntegnian ina cumbinaziun da controllas pli severas e midadas tecnicas, na tanschian bain betg per metter ina fain a la violenza cun armas, mabain la possia reducir. Quai ha ditg Obama en ina discussiun publica en la televisiun CNN avant adherents ed adversaris da la refurma da la lescha.

Acceptar il dretg da purtar armas, però cun controllar las persunas

El acceptia il dretg da purtar armas che saja garantì en la constituziun americana. Obama punctuescha era da respectar persunas che vulan purtar in'arma per sa proteger ubain ir a chatscha. Dentant stoppia esser cler ch'armas na dastgian betg dar en ils mauns fallids ha suttastritgà il president.

Lobby d'armas boicottescha la discussiun

L'organisaziun da la branscha d'armas National Rifle Association n'ha betg fatg part a la discussiun. Sco argument ha ella che cumbatta cunter la refurma inditgà ch'i sa tractia tar la discussiun d'ina occurrenza da reclama da la chasa alva.

RR novitads 06:00