Siglir tar il cuntegn
Inhalt

Exteriur Obama crititgescha las acziuns russas en la Siria

Il president american ha crititgà las acziuns militaras da la Russia en la Siria. Moscau ageschia directamain cunter civilists e blocheschia era l’agid umanitar, ha ditg Obama. Il cumportament da la Russia mettia en dumonda la veglia da sustegnair la de-escalaziun dal conflict en Sira.

purtret da la fatscha da Barack Obama
Legenda: Barack Obama crititgescha ed avertescha. Keystone

El veglia cuntinuar da propi vegnir tar ina deescalaziun dal conflict en Siria, er en collavuraziun cun la Russia, ha ditg Obama avant las medias.

Avertiment d'attatgas da l'SI

Il president american ha averti d'ulteriuras attatgas da la milissa da terror Stadi Islamic. En la Siria ed en l’Irac saja la milissa sut squitsch militar, ma ella possia da tut temp commetter attentats, ha ditg Obama.
Il president è sa mussà cuntent cun il progress en il cumbat cunter la milissa. Ils success en il cumbat mussian progress ma la liberaziun da citads sco Mossul e Rakka saja anc lunsch davent, ha ditg Obama.

RR novitads 06:00