Siglir tar il cuntegn
Inhalt

Exteriur Numer dus da l'ONU visita la Corea dal Nord

Per l’emprima giada dapi tschintg onns viagia in aut diplomat da las naziuns unidas en la Corea dal Nord per discurs politics. Mardi fin venderdi visita Jeffrey Feltman la chapitala da la Corea dal Nord, Pjöngjang, e viagia suenter vinavant vers la China.

Jeffrey Feltman davant in aviun.
Legenda: Jeffrey Feltman visita la Corea dal Nord. (maletg simbolic) Keystone

Feltman vegnia a s’inscuntrar cun il minister da l'exteriur e cun ulteriurs represchentants da la Corea dal Nord e discurrer davart «temas d'interess communabel e da quità communabel».

Plinavant vegnia il numer dus da l'ONU a s'inscuntrar cun collavuraturs da l'ONU e cun diplomats. Sis organisaziuns da l'ONU, tranter auter l'ovra d'agid per uffants da las Naziuns Unidas (UNICEF) e Organisaziun mundiala da la sanadad (OMS) èn represchentadas en il pajais. In inscunter cun Kim Jong-un na sajan dentant betg planisà, scriva l’ONU.

RR novitads 06:00