Siglir tar il cuntegn

Header

Navigaziun

In lavurer d'industria.
Legenda: Las perspectivas per novs pajais industrials restan in ristg per l'economia mundiala, di la Banca centrala europeica. Keystone
cuntegn

Exteriur Novs pajais industrials èn «ristg da clav» per economia mundiala

La Banca centrala europeica vesa vinavant plitost nair per il svilup economic en novs pajais industrials. Quest svilup è actualmain èn in trend vers engiu, e quai pudess avair consequenzas negativas per l’entir’economia mundiala.

«En vista da las perspectivas economicas per ils novs pajais industrials han ils ristgs vers engiu predominants», scriva la banca.

Effects negativs per zona da l'euro

Il svilup negativ da la conjunctura en ils novs pajais industrials haja gia consequenzas negativas per la l'economia mundiala e s'effectueschia era levamain negativ sin las activitads en la zona da l'euro.

Il fatg ch'i dettia pli e pli paucas dumondas dals novs pajais industrials haja engrevgià ils exports da la zona da l'euro uschia la Banca centrala europeica plinavant.

S’adattar cun refurmas

Il potenzial da crescher economicamain saja daventa pli pitschens per ils novs pajais industrials, tranter auter er pervi d’in svilup demografic disfavuraivel.

Plinavant vegnia il svilup economic er engrevgià dals bass pretschs da materia prima e da las cundiziuns finanzialas globalas. Perquai emprovian blers pajais da s’adattar cun mesiras da refurma.

RR novitads 18:00