Siglir tar il cuntegn
cuntegn

Exteriur Novas reproschas d'abus en il Vatican

Il Vatican è da novamain confruntà cun reproschas d'abus sexual. L'Australia examinescha cunter in dals pli pussants umens dal Vatican, il cardinal George Pell.

Il cardinal George Pell.
Legenda: Il cardinal George Pell. Keystone

Sco la polizia da l’Australia ha communitgà, dettia plirs recurrents cunter il cardinal austrialan George Pell. El duai sco giuven spiritual avair mulestà sexualmain plirs buobs. Entant ha George Pell communitgà ch'el sa retiria ad interim da ses uffizi sco schef da finanzas dal Vatican.

Il vatican deplorescha las rinfatschas d’abus cunter il cardinal australian George Pell. In pledader dal Vatican ha confermà che papa Francestg haja dà suatientscha al giavisch da Pell da prender congedi per pudair sa defender cunter las rinfatschas.

Tenor la polizia australiana stoppia George Pell dar pled e fatg avant dretgira anc il proxim mais. Il cardinal refusa fermamain las reproschas. Las accusaziuns cunter el sajan cumplettamain falladas. George Pell è in dals pli auts dignitaris en il Vatican. El vala sco stretg confident dal Papa Francestg.

RR novitads 06:00