Siglir tar il cuntegn

Header

Navigaziun

bajetg dal parlament grec cun bandieras da la grezia e da l'UE davantvart
Legenda: Il parlament grec ha approvà novas mesiras da spargn che duain far liber la via per nov agid internaziunal. Keystone
cuntegn

Exteriur Novas mesiras da spargn per la Grezia

Il parlament grec ha approvà in pachet da leschas suenter dus dis cun debattas intensivas.

En tut han 153 dals 300 commembers dal parlament votà per las mesiras per part dispitaivlas, quai ha il radio statal grec rapportà. Uschia vegnan las rentas scursanidas ed per part las taglias auzadas.

Avant il parlament avevan pliras milli persunas demonstrà per gronda part paschaivlamain. Intgins randals han dentant er bittà buttiglias sin la polizia, lezza ha alura intervegnì cun gas lacrimogen fin che la situaziun è puspè sa quietada.

Il nov program da spargn duai far liber la via per ulteriur agid finanzial internaziunal.

RR novitads 06:00