Siglir tar il cuntegn
Inhalt

Exteriur Nova Zelanda: Ulteriuras balenas èn idas a terra

Ulteriuras 200 balenas pilotas - Grindwale - èn idas a terra en il Sid da la Nova Zelanda. La nova gruppa saja nudada paucas uras suenter l'emprima en il medem lieu, rapportan las autoritads.

Dapli che 300 balenas pilotas ên gia mortas.
Legenda: Dapli che 300 balenas pilotas ên gia mortas. Reuters

En tut èn passa 650 balenas idas a terra. A gidanters èsi reussì da stuschar radund 100 animals enavos en la mar. Bun 220 sa chattian anc adina sin terra e dapli che 330 sajan crappadas fin ussa.

100ts voluntaris da tut la Nova Zelanda emprovan vinavant da dumagnar ils animals enavos en la mar. Per gronda part senza success.

Motivs per questa bloccada

Pertge che las balenas èn nudadas sin la terra n’è anc betc cler. L’organisaziun da balenas ‘Project Jonah’ suppona ch’igl è ina cumbinaziun dad autas temperaturas e malsognas che ha manà las balenas en quest lieu. Eventualmain è era il sistem dad echolot dals animals disturbà entras caneras sut aua.

Il favrer 2015 eran tar questa splagia da Farewell Spitt gia 200 balenas pilotas bloccadas. Da lez temp han gidanters pudì stuschar enavos 60 animals en la mar.

RR actualitad 12:00