Siglir tar il cuntegn

Header

cuntegn

Nova Zelanda Nagins segns da vita pli

video
Turists han filmà l'erupziun dal vulcan
Or da SRF News dals 09.12.2019.
laschar ir. Durada: 57 Secundas.

  • Sin l'insla White Island en la Nova Zeland è rut or questa notg in vulcan. Il vulcan è rut or a las 14:30 temp local (02:10 MEZ).
  • Uffizialmain han las autoritads discutà fin uss da 5 morts e plirs blessads, 23 persunas sajan vegnidas salvadas giud l'insla.
  • Anc passa 20 persunas valan sco sparidas – la polizia parta dal fatg che las persunas èn mortas.

Suenter l'erupziun dad in vulcan sin l'insla White Island en la Nova Zelanda èn pliras persunas sparidas. Sco la polizia ha infurmà eran almain 50 persunas durant l'erupziun sin l'insla. Almain tschintg persunas sajan mortas, pliras n'hajan ins anc betg chattà.

La polizia quinta cun ulteriuras unfrendas. I dettia nagins segns da vita pli sin l'insla, ha communitgà la polizia. Quai suenter ch'ella ha sursgulà pliras giadas il territori. Tenor las infurmaziuns actualas stoppian ins quintar, ch'ins na vegnia betg pli a chattar survivents sin l'insla.

L'insla Whakaari

Avrir la box Serrar la box

White Island sa chatta en il nordost da la Nova Zelanda, radund 50 kilometers davent da la costa dal nord. Il vulcan vegn numnà dals Maoris Whakaari u Te Puia O Whakaari – «il vulcan dramatic». Il Whakaari è il pli activ vulcan dal pajais. L'insla vegn visitada da radund 10'000 persunas ad onn.

RTR novitads 07:00

Artitgels legids il pli savens