Nova resoluziun cunter Corea dal Nord

Ils Stadis Unids e la China n'acceptian betg che la Corea dal Nord daventia in stadi cun armas atomaras. Els èn sa cunvegnids sin in sboz per ina resoluziun dal Cussegl da segirezza da l'ONU.

il dictatur nordcorean Kim Jong Un.

Legenda da maletgs: Sto quintar cun reacziuns vehementas sin sias provocaziuns: il dictatur nordcorean Kim Jong Un. Keystone

Suenter las pli giuvnas provocaziuns da la Corea dal Nord èn ils Stadis Unids da l’America e la China sa cunvegnids sin in sboz per ina nova resoluziun dal Cussegl da segirezza da l'ONU. Quai tenor indicaziuns dals Stadis Unids. Tenor diplomats da l'ONU vegni votà ils proxims dis davart la proposta.

Senza numnar detagls ha la pledadra dal Cussegl da segirezza communitgà ch'i sa tractia d'in ferm sboz. Washington e Peking sajan s'accordads che la resoluziun stoppia ir pli lunsch che la resoluziun fin uss. Ils Stadis Unids e la China n'acceptian betg che la Corea dal Nord daventia in stadi cun armas atomaras.

RR novitads 09:00