Siglir tar il cuntegn

Header

cuntegn

Nova mutaziun Para datti in'ulteriura mutaziun dal coronavirus en GB

En la Gronda Britannia datti para ina ulteriura nova varianta dal coronavirus. Quella derivia da l’Africa dal Sid e saja anc pli contagiusa che la varianta ch’ins haja chattà pir avant in pèr dis.

Questa nova mutaziun saja fitg inquietanta, ha ditg il minister da sanadad Matt Hancock. Fin uss dettia dus cas confermads da la nova varianta en la Gronda Britannia. Las persunas infectadas e lur persunas da contact sajan gia en quarantina.

La regenza a Londra ha immediat relaschà restricziuns da viagiar per l’Africa dal Sid. Entant ha la China interrut tut las colliaziuns da sgol cun la Gronda Britannia.

audio
Per tadlar: Las novitas da las 09:00
ord RTR Audio dals 24.12.2020.
laschar ir. Durada: 4 minutas 13 Secundas.

RTR novitads 09:00

Artitgels legids il pli savens