Il parlament regiunal ha elegì cun 70 cunter 63 vuschs il politicher separatist Carles Puigdemont, dus deputads èn s’abstegnids. Puigdemont ha 53 onns ed è actualmain president da la citad da Girona.
Il schef da regenza en uffizi, Artur Mas, aveva desistì d'ina nova candidatura ed uschia fatg liber la via per ina coaliziun tranter l'allianza dals separatists Junts pel Sí (Cuminaivel per il Gea) e la partida radicala da la sanestra CUP.
Carles Puigdemont vul separar la Catalugna da la Spagna. La regenza spagnola a Madrid vul impedir quai. En la regiun da la Catalugna vivan 7,5 milliuns abitants.
RR Novitads 06:00
