Siglir tar il cuntegn

Exteriur Nov incap en dimora per requirents d’asil tudestga

Dus umens alcoholisads èn penetrads en ina dimora per requirents d’asil en la Germania da l’ost. Ils dus umens eran armads cun in cuntè.

Fugitivs en la Germania.
Legenda: Fugitivs en la Germania èn adina puspè unfrendas d’agressiuns. Keystone

Plirs abitants da la dimora èn sa zuppads ed han alarmà la polizia. Blessads n’haja dà nagins, communitgescha la polizia da Rostock. La polizia ha arrestà ils dus umens ch’avevan in livel d’alcohol da sur 2 promils.

Sco in pledader da la polizia ha ditg a l’agentura da novitads franzosa AFP, sajan ils dus suspectads da 29 e 31 onns da la regiun. Els na tutgian betg a la scena da l’extrema dretga, il motiv d’odi cunter esters na saja dentant betg d’excluder.

Las ultimas emnas hai adina puspè dà attatgas sin dimoras da requirents d’asil en Germania. La notg sin mardi era gia ina dimora per requirents d’asil en il Brandenburg brischada giu.

RR Novitads 10:00