Exteriur - Nov’emprova da serrar praschun da Guantanamo
Il president american Barack Obama fa novs sforzs per serrar la praschun da Guantanamo. La Chas'alva saja en la fasa finala per elavurar in plan da serrar la praschun a moda raschunaivla ha ditg il pledader dal president Josh Earnest.
La fin da Guantanamo saja en l'interess da la segirezza naziunala e perquai er ina prioritad da Barack Obama. La praschun sin l'insla Cuba saja ultra da quai in sfarlattim da daners da taglia. Il 2009, cura che Obama era vegnì elegì sco president, aveva el empermess da serrar questa praschun. Ils Republicans han dentant adina puspè fatg encunter en il congress.
