Siglir tar il cuntegn

Header

Navigaziun

Vista sin l'ultima ediziun da la gasetta da satira ch'era vegnida publitgada ils 7 da schaner.
Legenda: Suenter passa in mais è mez cumpara puspè ina nov'ediziun da la gasetta da satira. Keystone
cuntegn

Exteriur Nov’ediziun da «Charlie Hebdo» cumpara mesemna

Bun in mais e mez suenter l'attatga sin la redacziun da «Charlie Hebdo», ch'aveva chaschunà la mort da 12 persunas, cumpara mesemna puspè ina nov'ediziun dal magazin da satira.

Suenter l'ediziun ch'era cumparida in'emna suenter l'attatga e ch'aveva gì in'ediziun da record da 7 milliuns, aveva la redacziun decidì da chalar da publitgar ad interim. Ils collavuraturs sajan stanchels e spussads.

A partir da mesemna duai «Charlie Hebdo» puspè cumparair en il ritmus usità d'ina giada l'emna, ha ditg il schefredactur.

Detagls da l'ultima ediziun

Il frontispizi da l'ultima ediziun da "Charlie Hebdo": "Tut è perdunà" – er Mohammed bragia per las victimas da l'attentat.
Legenda: Il frontispizi da l'ultima ediziun da "Charlie Hebdo": "Tut è perdunà" – er Mohammed bragia per las victimas da l'attentat. Keystone

L’ultima ediziun era cumparida in’emna suenter l’attentat sin la redacziun ils 7 da schaner. Il frontispizi mussava ina caricatura da Mohammend che tegneva ina tavla cun si «Je suis Charlie». Uschia ha «Charlie Hebdo» vulì demonstrar ch'ins na sa laschia betg scuraschar da terror.

Tar l’attentat eran morts 10 commembers da la redacziun dal magazin satiric e 2 policists.