Nov cas dad Ebola en Sierra Leone

Suenter ch'ina dunna è morta pervi dad Ebola en la Sierra Leone, han ins constatà il virus tar in'ulteriura dunna. Ella è s'infectada en in vitg ch'era gia sut quarantina, apparentamain tar la dunna ch'era morta la fin d'avust.

vitg en sierra leone

Legenda da maletgs: Sierra Leone n'è anc adina betg liber dad Ebola. Keystone

Ils novs cas dad Ebola èn ina greva frida per il pajais vest african che vuleva vegnir declerà liber dad Ebola. Mez avust eri gia vegnì giubilà suenter ch'il davos pazient dad Ebola era vegnì relaschà or da l'ospital. Uss turna la tema. Dapi la fin dal 2013 èn passa 11’300 persunas mortas en l'Africa dal vest.

RR novitads 12:00