Siglir tar il cuntegn
Inhalt

Exteriur Nov cabinet austriac è saramentà - Kurz è chancelier

A Vienna ha il president da la republica austriaca, Alexander van der Bellen saramentà il nov chancelier Sebastian Kurz ed ils ulteriurs commembers da la nova regenza.

Il nov schef da regenza Sebastian Kurz ed il president Alexander Van der Bellen.
Legenda: Il president Van der Bellen ha saramentà il minister da l'exteriur da fin qua - Sebastian Kurz - sco nov schef da la regenza. Keystone

Kurz era fin ussa minister da l'exteriur. Cun 31 onns è il politicher da la ÖVP il pli giuven schef da regenza da l'Europa. El stat al timun dad in cabinet che sa cumpona dad otg ministras e ministers or da las retschas da la partida conservativa ÖVP e da 6 da la FPÖ. Vice-chancelier è il schef da la FPÖ Heinz-Christian Strache.

Il president Van der Bellen ha regurdà la coaliziun da la ÖVP e naziunals da la dretga FPÖ ad ina politica da responsabladad, er visavi minoritads. Igl è la segunda giada en l’istorgia da l’Austria ch’i dat ina coaliziun tranter l’ÖVP e la FPÖ.

Avant la Wiener Hofburg, la sedia dal president, èn tenor la polizia sa radunads enturn 6000 demonstrants da la sanestra.

RR novitads 14:00