Siglir tar il cuntegn
cuntegn

Exteriur Nominaziun via tweet – Wray duai vegnir nov directur dal FBI

Il president american Donald Trump vul nominar a Christopher Wray sco nov directur dal FBI, quai annunzia Trump via Twitter. Il schef da la polizia federala sto però anc vegnir confermà dal senat cun ina maioritad simpla.

Portrait dad el.
Legenda: Christopher Wray l’onn 2005 en si’anteriura funcziun sut George W. Bush. Keystone

L’advocat Chrostopher Wray è tenor Trump in candidat cun «referenzas impeccablas»:

Il tweet da nominaziun:

Il schef da la polizia federala sto però anc vegnir confermà dal senat cun ina maioritad simpla. Wray duai suandar a James Comey che Trump aveva relaschà per immediat l'entschatta da matg.

Wray lavurava gia per George W. Bush

Wray lavura actualmain en ina chanzlia d’advocats privata. Pli baud era el en il ministeri da giustia in dals responsabsels primars per il cumbar cunter criminalitad e terror. Quella giada aveva el collavurà strettamain cun il FBI.

En il minsteri da giustia era Wray durant il temp d’uffizi da George W. Bush responsabel tranter auter per la coordinaziun da las mesiras anti-terror suenter las attatgas dals 11 da setember 2001 a New York.

FBI amez investigaziuns tar pussiblas intervenziuns russas

Wray duai surprender il post en in temp che quel è expost a turbulenzas politicas intensivas. La polizia federala investighescha pussiblas intervenziuns russas en il cumbat electoral a favur dal president american Trump. Damaun gievgia vegn l’anteriur schef dal FBI James Comey a testimoniar en chaussa en il congress.

RR novitads 14:00