L'october era la Lufthansa vegnida perina cun l'interpresa insolventa Air Berlin da surpigliar la societad affiliada Niki per 210 milliuns francs. Il motiv per retrair l'offerta è tenor la Lufthansa la posiziun negativa da la cumissiun da l'Uniun europeica. Questa aveva communitgà che la Lufthansa pudess giudair in monopol sin tscherts trajects e ch'els sajan fitg sceptics concernent la concurrenza.
Il naufragi da quest affar pudess muntar per la Regenza federala austriaca ch'ella na survegnan betg enavos cumplettamain il credit da stadi en valita da 150 milliuns euros. La Confederaziun fetschia dentant tut per limitar il donn per ils pajataglias.
Air Berlin tschertgia alternativas
Air Berlin tschertgia dentant alternativas per vender la societad austriaca Niki. Il mardi aveva il mandatari general da la Air Berlin dentant communitgà che la Lufthansa saja il sulet interessent.
RR novitads 17:00
