Nigeria elegia nov president e parlament

Entamez il terror da la gruppa radical-islama Boko Haram elegia la Nigeria questa sonda in nov president ed in nov parlament.

Colonna da votants en Nigeria.

Legenda da maletgs: Elecziuns Nigeria: Ils burgais stattan en colonna per laschar registrar avant las votaziuns. Keystone

Milliuns da burgais cun dretg da vuschar èn ids la damaun tar ils biros electorals per laschar s'inscriver per las elecziuns che cumenzan il suentermezdi.

Radund 360’000 policists èn en acziun per evitar cravals tranter aderents da las grondas partidas ed attentats eventuals da Boko Haram.

Il president en uffizi Goodluck Jonathan candidescha per in'ulteriura perioda. Ses pli ferm concurrent è l'anteriur schef dal militar Muhammadu Buhari. Per l’uffizi da president hai en tut 14 candidats, tranter quels er per l’emprima giada ina dunna. Schanzas han dentant be Jonathan e Buhari.

Almain 15 morts tar attatga da Boko Haram

Malgrà las mesiras da segirtad, han almain 15 persunas pers la vita oz tar ina attatga terrorisitica da Boko Haram en il nordost da la Nigeria,quai annunzian perditgas al lieu.

RR novitads 11:00