New York: L'um suspectà vegn accusà en ulteriurs puncts

L'um che vegn suspectà d'avair commess l'attatga cun bumba da la fin d'emna a New York accusà en ulteriurs puncts. Tranter auter pervi dal diever dad in'arma da destrucziun en massa. Fin ussa avevan las autoritads sulet accusà l'um perquai ch'el aveva sajettà sin policists tar sia arrestaziun.

Policists da l'FBI en uniforma vid intercurir la scena.

Legenda da maletgs: La polizia investigescha la plazza da l'explosiun suenter l'attentat a New York. Keystone

L'um che vegn suspectà d'avair commess l'attatga vegn accusà pervi da l'utilisaziun d'armas da destrucziun en massa e pervi da l'attentat en in lieu public. L'explosiun ha chaschunà 31 blessads e gronds donns da material da plirs milliuns dollars. Quai tenor ina communicaziun da la procura publica.

La procura publica accusa vinavant l'um d'avair plazzà las chargias explosivas a Manhattan ed a New Jersey e perquai ch'el haja sajettà durant l'arrestaziun sin policists.

Tenor la procura publica duai el avair cumprà parts per construir las bumbas sur la plattafurma d'internet Ebay. Probabel saja la bumba construida stada fatga ord ina chazzetta a vapur emplenida cun struvas.