Siglir tar il cuntegn
cuntegn

Exteriur New York: De Blasio explitgescha resalvas a Trump

En in inscunter cun il futur president american Donald Trump ha il president da la citad Bill de Blasio explitgà las temas da las abitants ed ils abitants da New York.

De Blasio a conferenza da medias.
Legenda: Express sias resalvas - in dals facits da Bill de Blasio suenter ses inscunter cun il president futur Donald Trump. Keystone

Ils abitants da la metropola hajan vairamain tema ha il democrat Bill de Blasio declerà al republican e futur president american Donald Trump.

Bill de Blasio.
Legenda: Bill de Blasio suenter l'inscunter. Keystone
Jau hai empruvà dad explitgar ad el quanta tema ch’i dat en las communitads da questa citad.
Autur: Bill de BlasioPresident da la citad da New York

Blers messadis en il cumbat electoral hajan offendì. Perquai ha de Blasio express sias resalvas envers la «politica d'excluder» da Trump. Il plan da repatriar dus fin trais milliuns persunas illegalas vegnia a fruntar sin resistenza tar las autoritads da New York ha ditg de Blasio.

Quai ha communitgà de Blasio suenter l’inscunter persunal cun Trump en il Trump Tower a New York. L’inscunter haja durà var in’ura e saja stà, malgrà «differenzas considerablas», da caracter respectus.

RR novitads 06:00