La sonda da la NASA «New Horizons» ha confermà cun in signal che sia visita tar il planet nanin Pluto è reussida. L'agenzia astronautica ha communitgà che tut saja ì sco planisà.
Cun «New Horizons» ha per la prima giada in object sgulant visità il Pluto. La missiun da 700 milliuns dollars vala uschia sco «mument istoric» per la navigaziun spaziala. La savida davart il Pluto d'enfin qua è numnadamain be fragmentara.
La sonda aveva cumenzà ses viadi avant 9 onns ed ha fatg radund 5 milliardas kilometers.
