Siglir tar il cuntegn

Header

Navigaziun

sanders e Clinton sin in podi.
Legenda: Sanders avant Clinton - quai èn ils resultads da las preelecziuns en il stadi federativ New Hampshire. Reuters
cuntegn

Exteriur New Hampshire: Sanders avant Clinton – Trump avant Kasich

La segunda runda en la cursa per il presidi american va a’l democrat bernie sanders ed al republican Donald Trump. Quai rapporta l’emettur CNN.

Suenter che circa 90% da las vuschs èn dumbradas vegn Sanders sin 60%, e sia concurrenta Hillary Clinton sin 38,4% da las vuschs. Sanders deriva dal stadi vischin Vermont. Quai era ina da las raschuns pervi da las qualas ch’el valeva sco favurit.

El ha dentant gudagnà dapli che quai che las enquistas avevan lascha supponer.

Clinton ha gia concedì sia terrada

Clinton avessi calculà en New Hampshire cun ina victoria, che la terrada paisia perquai grevamain, analisescha la dpa. Ils resultads mussan, che Sanders ha era gudagnà tar las dunnas. Murdent per Clionton, che vul vegnir l’emprima presidenta americana.

Tut avert tar ils republicans

Tar ils republicans gudogna Donald Trump radund 35,1% da las vuschs, avant John Kasich cun 15,9%, Ted Cruz cun 11,6%, Jeb Bush cun 11,1% e Marco Rubio cun 10,6%.

New Hampshire è suenter Iowa il segund stadi federativ nua ch'ils democrats e republicans elegian lur candidat per il presidi dals Stadis Unids.

RR novitads 06:00