Siglir tar il cuntegn

Header

Navigaziun

Il primminister israelian, Benjamin Netanjahu.
Legenda: Il primminister israelian, Benjamin Netanjahu. Keystone
cuntegn

Exteriur Netanjahu provochescha a Berlin

Il primminister israelian, Benjamin Netanjahu, ha danovamain provocà ils Palestinais tar sia visita a Berlin, quai cun remartgas delicatas davart il Holocaust.

Il Mufti, il manader dals Palestinais durant las segunda guerra mundiala, saja stà in cumplizi dals nazis ed haja persvas Hitler da sragischar ora ils gidieus.

La chanceliera tudestga Angela Merkel ha ditg ch'ils Tudestgs n'hajan nagina raschun da midar lur maletg da l'istorgia. Els enconuschian la responsabladad dals nazis. En vista a l'escalaziun da la violenza en il Proxim Orient ha ella appellà omaduas varts da sa calmar.

Stadis Unids sa distanzieschan

Ils Stadis Unids ch'èn ils pli impurtants alliads da l'Israel èn sa distanziads da las remartgas dal primminister israelian. L'interpretaziun da Netanjahu en connex cun il Holocaust na correspundia betg a las enconuschientschas scientificas.

Er il manader da l'opposiziun en l'Israel, Izchak Herzog, ha appellà a Netanjahu da prender enavos ses pled. I sa tractia dad ina sfalsificaziun privlusa da l'istorgia.

RR novitads 06.00