Siglir tar il cuntegn

Exteriur Nepal - salvà giuven da 18 onns

5 dis suenter il grev terratrembel en il Nepal datti anc speranza. Questa damaun han ins pudì salvar in giuven da 18 onns en la citad principala Kathmandu. Il dumber da las unfrendas è entant creschì sin passa 5500. Quai tenor las autoritads a Kathmandu.

salvà giuven da 18 onns
Legenda: Questa damaun han ils gidanters pudì salvar in giuven da 18 onns a Kathmandu. Keystone

Plievgia intensiva engrevgescha il mument la lavur da las forzas da salvament en la regiun muntagnarda, gidanters teman che bovas pudessan ir a val.

Entant ha l'armada nepalaisa tenor atgnas indicaziuns cumenzà a bittar ord l'aria rauba d'agid en las regiuns ch'èn fitg pertutgadas da la catastrofa. 90% da tut ils schuldads e 33’000 policists sajan en acziun.

RR novitads 7:00