Siglir tar il cuntegn
Inhalt

Exteriur Nepal: Profitar da la miseria dals pertutgads

Commerziants d'umans han nizzegià senza turpetg la miseria dals pertutgads suenter il terratrembel desastrus avant in onn en il Nepal.

Uffants en il Nepal.
Legenda: La miseria dals pertutgads dal terratrembel en il Nepal vegn nizzegiada ora. Reuters

Il dumber dals umans rapinads ch'ins haja pudì tschiffar, saja creschì suenter il terratrembel per almain 15%. Quai ha declerà la cumissiun per dretgs umans a Kathmandu.

Dapi blers onns vegnan cunzunt mattas e dunnas giuvnas rapinadas en il Nepal. Bleras sa tschentan en burdels da l'India. Autras vegnan vendidas sco lavureras bunmartgadas, per il commerzi cun organs u sco spusas. Ils commerziants sajan per gronda part parents u enconuschents.

RR novitads 12:00