Siglir tar il cuntegn

Header

cuntegn

Exteriur Nepal – dumber d’unfrendas crescha sin passa 8’000

En il Nepal è il dumber dals morts suenter il grev terratrembel d'avant duas emnas entant creschì sin passa 8’000. Sco quai che las autoritads nepalaisas communitgeschan, sajan er 68 persunas da l'exteriur tranter las unfrendas.

Da las regiuns perifericas na datti però anc adina naginas indicaziuns davart morts u blessads. Las autoritads teman perquai ch'il dumber da las unfrendas creschia vinavant. Entant ha il schef da la regenza a Kathmandu empermess agid per tuts. Nagin vegnia a restar senza tetg.

Lavinas e bovas impedeschan lavurs da tschertga

Lavinas e bovas han sfurzà las forzas da salvament da chalar ad interim da tschertgar unfrendas en il vitg sutterrà da Langtang. Tenor las autoritads localas dettia quai adina puspè novas bovas. Ils gidanters sajan sa retratgs en regiuns segiras. La tschertga vegnia a cuntinuar uschè prest che la situaziun sa megliereschia.

RR novitads 11:00

Artitgels legids il pli savens