Siglir tar il cuntegn

Exteriur Nepal: Bus croda 300 meters en ina chavorgia - 30 persunas moran

En il Nepal èn almain 30 persunas mortas perquai ch'in bus è crudà 300 meters en ina chavorgia. 30 ulteriuras persunas èn vegnidas blessadas.

En il Nepal datti adina puspè accidents mortals cun bus, bus ch’èn per part era surchargiads.
Legenda: En il Nepal datti adina puspè accidents mortals cun bus, bus ch’èn per part era surchargiads. Reuters

Il bus saja vegnì giud via en il district central Kabhrepalanchok e lasuenter crudà bun 300 meters giuadora en in chavorgia, communitgescha la polizia. La mesadad dals blessads hajan ins transportà en in ospital en la vischinanza, ils ulteriurs 15 blessads sajan vegnids transportads cun l’agid d’in helicopter da l’armada en in ospital en la chapitala.

Vehichels vegls e nauschas vias chaschunan adina puspè accidents mortals en il Nepal. Tenor la polizia moran mintg'onn passa 2’000 persunas sin las vias dal Nepal.

RR novitads 15:00