Exteriur - Naziuns Unidas teman catastrofa umanitara ad Aleppo
Las Naziuns Unidas han appellà a tut las partidas dal conflict dad interrumper il fieu en la citad siriana d’Aleppo. Uschiglio possia il conflict s’extender tar catastrofa umanitara mai vesida en Siria, ha ditg il coordinatur da l'agid d'urgenza da l'ONU Stephen O'Brien.
Uschia sustegn il coordinatur da l'ONU O'Brien la proposta da la Russia dad introducir mintg'emna in' interrupziun dal fieu da 48 uras. O'Brien ha però era suttastritgà che per respectar quest' interrupziun stoppian tut las partidas dal conflict cooperar. Tenor l'UNO dovran passa 1,7 milliuns persunas urgentamain agid umanitar ad Aleppo.