Siglir tar il cuntegn

Header

cuntegn

Exteriur NATO: Trump mida tenuta

En il cumbat electoral ha Donald Trump crititgà cun vehemenza la NATO e schizunt manegià che l'organisaziun saja obsoleta. Ussa para el dad esser daventà in fan da l'allianza.

D'ina conferenza da medias cun il secretari general da la Nato, Jens Stoltenberg, ha Trump ditg ch'el veglia collavurar cun auters pajais per rinforzar l'allianza militara.

La Nato saja ina bastiun per pasch e segirtad ha ditg Trump ed accentuà la muntada da la Nato en il cumbat cunter il terrorissem.

Jau hai ditg che la NATO saja danvanz. Na, quai nun ès ella pli.
Autur: Donald Trump president dals Stadis Unids

Anc il mars, cura che Stoltenberg è stà a Washington, n'ha il president american betg vulì retschaiver el. Uss, sulet trais emnas pli tard, sesan els ensemen e paran gia dad esser in corp ed in'olma. El sa legria sin l'inscunter suprem da la NATO il matg a Brüssel, ha sincerà Trump.

RR novitads 06:00

Artitgels legids il pli savens