L’offerta da la bieraria beltga Anheuser-Busch per l’interpresa englaisa SAB Miller munta a stgars 105 milliardas francs.
Producent global da mintga terza biera
Tras la fusiun d’Anheuser-Busch cun SAB Miller vegn en vista globala uschia en futur mintga terza biera ord la bieraria dal nov concern. Las instituziuns da concurrenza ston dentant anc approvar la fusiun.
Il portfolio s'extenda
Anheuser-Busch è il producent da bieras sco Budweiser, Corona, Stella Artois ni Franziskaner. Grazia a la fusiun tutgan lura Pilsner Urquell, Miller e Grolsch al nov concern.
RR novitads 10:00