Siglir tar il cuntegn
Inhalt

Exteriur Nagins resultats suenter tschertga nocturna en la Mar mediterrana

La tschertga nocturna suenter survivents da la cupitgada d'in bastiment da fugitivs en la Mar mediterrana n'ha purtà nagins resultats.

Las gruppas da salvament durant la tschertga nocturna.
Legenda: Las gruppas da salvament durant la tschertga nocturna. Reuters

Las gruppas da salvament n'hajan chattà nagins survivents ed era naginas ulteriuras baras, quai rapportan medias talianas. La speranza da chattar viv persunas sparidas è pitschna.

Tenor la guardia da costa taliana èn fin ussa vegnidas salvadas 28 persunas e 24 baras. Plirs tschient fugitivs èn anc sparids.

Ponderaziuns da far inscunter suprem

Entant ponderescha il president da l'UE, Donald Tusk, da far in inscunter suprem. El sa cusseglia cun divers pajais, ha communitgà Tusk sin Twitter. Silsuenter veglia el sa decider sch'i dettia in inscunter suprem dals schefs da stadi da l'UE davart la politica da fugitivs.

Gia glindesdi sa cusseglian ils ministers da l'exteriur da l'UE davart las consequenzas da la pli giuvna disgrazia cun fugitivs.

RR novitads 10:00