Siglir tar il cuntegn

Header

cuntegn

Exteriur Naginas truppas terrestras da NATO cunter Stadi islamic

La NATO na vul betg trametter truppas a terra en Siria per cumbatter la gruppa da terror Stadi islamic. Quai ha ditg il secretari general da la NATO Jens Stoltenberg en in’intervista cun gasettas las svizras «Tagesanzeiger» e «Bund».

En il center stoppia star il rinforz dals cumbattants locals; perquai na dovria quai naginas ulteriuras truppas terrestras. Tar il conflict en Siria na sa tractia quai betg d’ina guerra tranter il vest ed il mund islamic, ha ditg Stoltenberg. Plitost saja quai in cumbat cunter extremissem e terrorissem.

Rolla constructiva da Russia è impurtanta

Vinavant ha Stoltenberg pretendì ina rolla constructiva da la Russia en il conflict en Siria. Fin uss haja il pajais era attatgà auters rebels e sustegnì il regime d'Assad. In signal positiv saja dentant, che la Russia saja da la partida als discurs da pasch a Vienna, uschia il secretari general.

RR novitads 12:00

Artitgels legids il pli savens