Siglir tar il cuntegn

Header

cuntegn

Exteriur Naginas «taxas da roaming» pli aifer l'UE

A partir dal 2017 na sto ins aifer l'Uniun europeica betg pli pajar taxas supplementaras per telefonats e per l'utilisaziun da datas a l'ester. Il parlament europeic ha decis d’abolir l'uschenumnada «taxa da roaming».

A l'entschatta era previs d’annullar questa taxa gia a partir da la fin da quest onn. Plirs pajais da l'UE han però fatg resistenza. Cun il nov cumpromiss vegnan las taxas uschia l’emprim be sbassadas a partir da la primavaira 2016, la stad 2017 vegnan quellas lura abolidas dal tut.

Cabels da computer.
Legenda: La nova ordinaziun fixescha che nagin dastga cumprar avantatgs en il traffic da datas. Reuters

Novas reglas per la neutralitad da la rait d'internet

En traffic da datas vul il parlament da l’UE stgaffir medems dretgs per tut ils stadis commembers ed ha uschia decis reglas davart ina uschè numnada neutralitad da rait.

Latiers vai per la dumonda sche tut las datas duain vinavant vegnir tractadas cun ils medems dretgs e sche quellas duain circular tuttina spert tras l’internet. La nova ordinaziun fixescha che nagin dastga cumprar avantatgs en il traffic da datas. La lescha cuntegna però pliras «portas davos». Critichers teman che la neutralitad da rait vegnia praticamain abolida entras las formulaziuns pauc precisas.

RR novitads 16:00

Artitgels legids il pli savens