Il dumber d'unfrendas suenter il fieu en la chas'auta a Londra la mesemna è s'augmentada sin almain 58. La polizia britannica na quinta betg pli da chattar vivas las persunas che valan sco sparidas. Fin uss avevan las autoritads confermà 30 morts. Actualmain sa chattan anc 19 persunas blessadas en ospitals da la chapitala da la Gronda Britannia. Sco las autoritads han communitgà èn diesch d’els en in stadi critic.
Regurdà al brischament da la chas'auta sco era a las attatgas terroristicas dal davos temp ha oz la regina da l'Engalterra Elisabeth la segunda. Quai durant las festivitads per ses anniversari. Ed ella ha fatg curaschi als Brits.
RR novitads 18:00