La resoluziun avess revedì la decisiun dal president american Donald Trump da renconuscher Jerusalem sco la chapitala da l'Israel. Ils ulteriurs 14 stadis han tuts votà per la resoluziun. Mo ils Stadis Unids han fatg diever da lur dretg da veto.
Decisiun d’in stadi suveran
La delegada americana tar las Naziuns Unidas Nikki Haley ha ditg che la decisiun da midar l'ambassada americana da Tel Aviv a Jerusalem saja ina decisiun suverana dals Stadis Unids e giaja en accord cun las resoluziuns da l'ONU existentas.
Ils Palestinais vesan questa decisiun sco provocaziun. L'Israel percunter ha commentà che la vardad haja battì las manzegnas.
RR novitads 06:00