Exteriur - Nagina megafusiun en la branscha dad ieli
Ils dus concerns americans Halliburton e Baker Hughes na fusiuneschan betg. Quai han communitgà ils dus concerns. Sco raschun per questa decisiun han els inditgà la resistenza da las autoritads da cartel e la situaziun difficila da la branscha suenter ch'il pretsch da l'ieli è ì aval.
Ils dus concerns han vulì fusiunar per 28 milliardas dollars. Cunquai che la fusiun na vegn betg realidasa paja Halliburton a Baker Hughes in chasti convenziunal da 3,5 milliardas dollars. La fusiun era vegnida annunziada l'onn 2014. Tras questa fusiun avess i dà l'interpresa da servetschs per il sectur d'ieli il pli grond dal mund.
