Siglir tar il cuntegn
cuntegn

Exteriur Nagina cumpassiun cun dus Australians

En l’Indonesia n’èsi betg reussì a dus Australians da spustar lur sentenzia a la paina da mort. La dretgira responsabla a Jakarta ha refusà ina dumonda correspundenta dals dus umens.

Ina chista cun pachets cun heroin.
Legenda: En questa chista èn zuppads pachets cun heroin. Reuters

Il cas dals dus Australians ha chaschunà ina dispita diplomatica tranter l’Indonesia e l’Australia. Quai rapportan medias. Ils dus umens èn vegnids sentenziads a la mort pervi da cuntrabanda cun drogas.

Els eran ils schefs da la banda da drogas «Bali nov» ch’è vegnida sentenziada perquai ch’ella ha vulì far cuntrabanda cun heroin. I vegn supponì ch’ils dus Australians vegnan executà communabel cun ulteriurs commerziants da drogas. Involvidas èn era cuntrabandists da la Frantscha e la Brasilia.

RR novitads 12:00