Siglir tar il cuntegn
cuntegn

Exteriur Nagin fastiz d'um suspectà a Brüssel

En il quartier Molenbeek da la citad da Brüssel ha la polizia puspè tschertgà en chasas. Quai en connex cun las attatgas a Paris avant pli che 2 emnas.

Policists a Brüssel.
Legenda: Tar l'acziun na sajan naginas persunas vegnidas arrestadas, annunzia l'agentura da novitads Belga. Keystone

L'um suspectà d'avair participà a las attatgas Salah Abdeslam n'ha la polizia dentant betg chattà. Ulteriurs infurmaziuns na dettia la procura publica betg. Abdelslam era viagià cun ils terrorists suspectads da Brüssel a Paris e vala en Belgia sco pli grond inimi dal stadi.

Per la chapitala da la Belgia Brüssel vala il mument il stgalim d'alarm da terror 3. Quai munta ch’in'attatga vala vinavant sco pussaivla e probabla.

RR novitads 06:00