Siglir tar il cuntegn

Exteriur Nagin contact da func - aviun ha stuì atterar a Stuttgart

In sgol da la Korean Air da Seoul a Turitg ha stuì atterar la sonda saira a Stuttgart. Ils 211 passagiers han stuì passentar la notg sin la plazza aviatica da Stuttgart.

Aviun Boeing da la Korean Air.
Legenda: In aviun da la Korean Air ha pervi da problems tecnics stuì atterar a Stuttgart (maletg d'archiv). Keystone

Ina maschina da passagiers da la Korean Air ha sin via da Seoul a Turitg stuì atterar a Stuttgart. Quai pervia ch'il contact da func era interrruts. Quai scriva l’agentura da novitads tudestga DAP. Alura hajan dus aviuns d’armada tudestgs pudì atterrar l’aviun segir sin la plazza aviatica a Stuttgart. Ils 211 passagiers han stuì passentar la notg sin la plazza aviatica da Stuttgart.

L'incap cun l'aviun Boeing Typ 777 è succedìla sonda saira. Atgnamain avess la maschina gì d'atterar sin la plazza aviatica da Kloten ier a las 19:25.

Nagin privel

L'aviun ha pudì atterrar segir sin la plazza aviatica a Stuttgart. I n'a devia nagin motiv da preoccupaziun. Ils 211 passagiers han stuì star la notg en il terminal sin la plazza aviatica da Stuttgart. Perquai ch'ins n'ha betg pudì organisar in hotel, han els stuì passentar la notg sin letgs plegabels. La damaun baud èn ils passagiers lura vegnids transportads cun bus en Svizra.

RR novitads 09:00