Cun 321 cunter 278 vuschs è la decisiun crudada la mesemna saira a Londra: Ils parlamentaris britannics na vulan betg sortir senza cunvegna da l'Uniun europeica. Questa decisiun n'è dentant betg lianta. Ella dat sulettamain paisa per direger la direcziun da la regenza. La primministra Theresa May vul uss laschar votar il parlament ina segunda giada davart il contract dal Brexit. Duas giadas han ils parlamentaris gia refusà quel.
Sco proxim decida il parlament britannic la gievgia, sch'il termin per il Brexit – ch'è previs per ils 29 da mars – duai vegnir spustà. In tal spustament stuessan dentant er tut ils 27 stadis da l'UE approvar.
La cumissiun da l'UE ha reagì reservà sin il votum dal parlament britannic. I na tanschia betg da votar cunter in no-deal, la Gronda Britannia stoppia approvar in deal.
RR novitads 06:00