La Frantscha refusa da dar asil al fundatur da Wikileaks, Julian Assange. A l'Australian na smanatschia il mument nagin privel direct, uschia l'uffizi presidial a Paris. Plinavant dettia quai cunter Assange in cumond d'arrest europeic.
Assange (44) viva dapi 3 onns en l’ambassada ecuadoriana a Londra. La Svezia vul interrogar Assange en connex cun abus sexual probabel.Tenor il fundatur da la plattafurma da scuverta Wikileaks èn questas rinfatschas motivadas politicamain. Assange tema da vegnir extradì als Stadis Unids.
Dapi 2010 ha Wikileaks publitgà numerus documents diplomatics dals Stadis Unids davart acziuns da spiunascha dals servetschs secrets.
