Siglir tar il cuntegn
cuntegn

Exteriur Myanmar: Situaziun critica per uffants sin la fugia

La situaziun dals uffants da l’etnia dals Rohingya è difficila, quai scriva l’ UNICEF, l’ovra d’agid per uffants da las Naziuns Unidas.

Rohingya sin la fugia
Legenda: Ils Rohingya traversan cun lur uffants il cunfin dal Myanmar a Bangladesch. Keystone

Circa 340’000 uffants vivian sut cundiziuns manglusas en champs da fugitivs en il Bangladesch, uschia l'UNICEF. I manchia nutriment, aua netta ed agid medicinal. Per ils uffants è quai l’enfiern sin terra, scriva l’UNICEF. Bun mintga tschintg avel uffant saja sutnutri e dovria agid. Plinavant smanatschian epidemias sco la colera.

600’000 Rohingya sin la fugia

La fugia dals Rohingia ord il Myanmar ha cumenzà la fin d’avust. Tenor indicaziuns da las Naziuns Unidas sajan enfin oz bun 600’000 persunas fugidas u sajan sin la fugia. Las naziuns unidas renfatschan al militar purificaziuns etnicas.

RR novitads 12:00