Siglir tar il cuntegn
Inhalt

Exteriur Musicist Avicii è mort

Il DJ e producent da musica Avicii è mort en la vegliadetgna da 28 onns.

Musicist.
Legenda: Avicii è mort cun 28 onns. Keystone

Tim Bergling, sco il Svedais aveva num da propi, saja vegnì chattà mort a Muscat, la chapitala dal sultanat Oman. Quai rapportan pliras medias. Ellas sa refereschan a la pledadra dal musicist. Dapli indicaziuns davart las circumstanzas da la mort na datti anc betg.

Musicist da renum internaziunal

Ils gronds hits dad Avicii èn stadas las chanzuns «Hey Brother» e «Wake Me Up». Tranter auter ha Avicii gudagnà dus «MTV Music Awards» ed er in «Billboard Music Award». Avicii ha tranter auter lavurà ensemen cun Madonna e Coldplay.

RR novitads 21:00