Exteriur - Moviment da fugitivs sin terra franca cuntinuescha
Il moviment da fugitivs da las inslas greccas sin terra franca cuntinuescha permanentamain. La damaun èn arrivads 3'600 migrants e fugitivs en il port da Piräus. Tenor la guardia da costa èn els arrivads nà da la Tirchia sur las inslas greccas Samos, Chios e Lesbos.
La guardia da costa e l'agentura da cunfin europeica Frontex èn alarmadas perquai che l'enviern ha cumenzà en la Grezia. I buffan ferms vents e las temperaturas èn enturn 0 grads. Tenor l'UNHCR èn arrivads il 2015 radund 850'000 fugitivs sur mar da la Tirchia en la Grezia.
