Il pli aut culm da l'America dal nord ha puspè num uffizialmain Denali. Curt avant il viadi dal president american Barack Obama en l’Alasca, ha la Chas'Alva communitgà ch'il culm cun il num actual Mount McKinley duai survegnir enavos ses num vegl.
Il num Denali munta en la lingua dals Indians «il Grond». Dapi il 1975 ha il culm num en l'Alasca uffizialmain Denali, en l'ulteriura America vegn el dentant numnà Mount McKinley. Dapi decennis ha l’Alasca cumbattì ch'il num Denali vegnia era scrit sin las cartas geograficas e sin ils mussavias.
