Siglir tar il cuntegn
cuntegn

Exteriur Moskau duai avair informaziuns cumpromettantas

La regenza russa ha, tenor in rapport da medias american, infurmaziuns cumpromettantas davart il nov president american Donald Trump. Tenor l’emettur da televisiun CNN ha Moscau infurmaziuns davart la vita privata e las finanzas. Quai mussa in memo dal schef dal servetsch secret american .

purtret dal president american Donald Trump
Legenda: Ils Russ han sco i parà infurmaziuns spinusas da Donald Trump. Keystone

Las infurmaziuns, da las qualas la vardad n'è betg confermada, derivian da servetschs secrets russ e da posts da regenza. In anteriur agent dal servetsch secret britannic MI6 duai avair rimnà las infurmaziuns sin incumbensa dals rivals da Trump entaifer da la partida republicana. Quai rapportan tranter auter CNN, «New York Times» e «Guardian».

Ils servetschs secrets americans hajan giuditgà il material l'emprim sco «betg substanzial». Tant Trump sco er Barack Obama sajan vegnids orientads. Trump ha commentà ils rapports sin Twitter sco «fake news» (novitads faussas). El ha discurrì dad ina chatscha a las strias politica.

RR novitads 06:00