Las infurmaziuns, da las qualas la vardad n'è betg confermada, derivian da servetschs secrets russ e da posts da regenza. In anteriur agent dal servetsch secret britannic MI6 duai avair rimnà las infurmaziuns sin incumbensa dals rivals da Trump entaifer da la partida republicana. Quai rapportan tranter auter CNN, «New York Times» e «Guardian».
Ils servetschs secrets americans hajan giuditgà il material l'emprim sco «betg substanzial». Tant Trump sco er Barack Obama sajan vegnids orientads. Trump ha commentà ils rapports sin Twitter sco «fake news» (novitads faussas). El ha discurrì dad ina chatscha a las strias politica.
RR novitads 06:00